А ШТО ДРУГО?
Ниту една земја нема да влезе во Европската Унија во скора иднина, изјави шведскиот премиер Фредрик Рејнфелд. Ова го кажа човекот чија земја го презема претседавањето со Унијата и замислете никој кај нас ни пет пари не даде, т.е не се потресе. Тоа е предноста кога си соочен со своите квалитети односно неквалитети, па си свесен дека темата за која говори шведскиот премиер ама баш ич не те засега. Ни во скора, а по се изгледа, ни во малку подалечна иднина.

ЗАБРАНА И ВИСКИ
Знаете ли што значи ем да те тепаат, ем со виски да те појат? Тоа е да си ставен на црната листа на Обама, а да те викнат на прием во американската амбасада. Тоа им се случи на Бошковски и Тачи- тие имаат забрана за да влезат во САД, ама затоа вчера беа меѓу поканетите гости при отворањето на амбасадата. Ова е уште еден доказ дека Америкаците се хумор мајстори на кои им нема рамни...